سلام صافي للضياء يتسلم

سلام صافي للضياء يتسلم
في مستهل القافيه والمطلع

نفحه زكيه للاديب المُلهم
كاالبرق توصل عندصالح واسرع

تُكُتب على روس الشوامخ باالدم
لصلب مقبل في الصخور الصورع

بااجمل عبارات الثناء في المعجم
وارقى مشاعر ود مايتزعزع

توصل لبو قيلح بها يتعمم
من مِطلع لف الوطن واستطلع

المر فيها والعسل والبلسم
والتوفيه منه اذا مااستقنع

سلام له ماالحاج لباء واحرم
وماالسماء تمطر وارضه تزرع

وارقى العطور النادره يتنعم
بااغلا عطور المصقري والااروع

من عطر ماواحد بمثله يحلم
ريحه نقيه منعشه يتمتع

للشاعر الفذ الذي لا يُهزم
عميد رواد الادب والمرجع

هذا لصالح . ذي عليا يلزم
في صدر قولي والبقيه تتبع

*      *      *      *      ر

جيت اسئل البداع لو يتكرم
مصدر بحور القافيه والمقنع

واسقيه شربه بارده من زمزم
واقطف من ازهاره كفاتي وارجع

عندالمثقف شعر صالح مغنم
كل البلابل في اليمن به تسجع

من بحر عرفه والادب نتعلم
لاهو يجي لي من صديقي مقطع

وان شفت عملاق القوافي دعمم
بااصبر على الصاحب ولو يتصيرع

ان عاد له هاجس مخظرم ينهم
بااسهر معه في مجلسه واتسمع

وان كان ابو قيلح معرقل وابكم
لاعاد يوجعني ولا يتوجع

*     *     *     *    ر

وفصل ثاني لاصديقي مهتم
بااوضاع شعبه والوطن يتبدع

ينشر خبر صادق لمن لايعلم
واضح كماشمس الظهيره وانصع

يبدد الحيره بشرح المُبهم
يعالج اسباب الوباء والمنبع

الظلم جاثم في السعيده خيم
والجهل حاكم والمرض يتفرع

والشعب يتجرع نقيع العلقم
والجنتين الشامخه مستنقع

والحر من هول الحدث يتئلم
والجيش يفنى والوطن يتصدع

كلين يحارب صاحبه وابن العم
ذي مايسلبع صاحبه يتسلبع

والبعض يشتي شعبنا يتئقلم
خدمه لمن هوفي عطاهم يطمع

في الاقلمه ياكل من لايفهم
قتل الامل في الشعب لايتجمع

الخصم خطط للقضاء المُبرم
على السياده والقرار المُزمع

ومصادرة حق المواطن واعظم
وان خاب ظنه واتحدنا قشع

الخصم مجرم طاغيه مايرحم
ثامن سنه والمنحرف يتنصع

على المواطن والوطن يتهجم
باالبارجه والطايره والمدفع

نكل بنا المخدوم والمستخدم
واحنا معاهم ضدنا نتطوع

من شعبنا نخسر ضحايا باالكم
احناالمصارع والصريع والاصرع

والفاهم  احنا والذي مااستفهم
والشعب من يدفع ومن يتمنع

قمنا علينا كل ساعه مهجم
القاتل احنا والقتيل والمرفع

يجرعو شعب اليمن سُم ارقم
وكل فرقه بااختها تتذرع

ولارضي شعب اليمن يتنظم
وكلمن باع الوطن واستبيع

ضاع المسالم والذي قد سلم
والشعب يُعدم والوطن يتقطع

باع السياده والعلم والمنجم
قايد بلدنا . والمواطن يشفع

باع الشرف بريالهم والدرهم
واهدر كرامتنا وعاش مضيع

ولاعرفنا بدعها والمختم
بمكرنا نوقع ونشتي نطلع

متى نشاهد شعبنا يتقدم ؟
وكل قايد في اليمن يترفع

يحمي بلاده قبل ماتتفحم
لايبتلينا ابن السلولي باافضع

ابو لهب وابنه وشلة مريم
اخطر وباء ماله معالج ينفع

في كل بلدان العرب يتحكم
خاضع ويشتينا لسيده نخضع

بعض العرب قاوم وبعض استسلم
للغرب من ظرع الجزيره ترضع

مابين نايم مُحتقر ومنوم
والبعض مالاقا لنفسه موقع

والكل عن مايفعلو يتكتم
وكلما  قالو  يوقع وقع

يخدم مخطط من تكبر واجرم
يمنع ويقطع دايما ما يرقع

كم قد قتل من شعبنا كم هدم
المدرسه والجامعه والمصنع

في البوادي والمدن كم يتًم
وكم دول في ارضنا تتوسع

من فعلهم في كل منزل ميتم
وكم ثكالا في اليمن ماتهجع

وكل حاكم  منحنى ومفدم
طاعه لهم والنار حوله تولع

اصم وابكم ماقدر يتكلم
وهو يشاهد مدلهمات ابشع

من سالم الشيطان قالو يسلم
لايفضح المجرم ولا يتسرع

ومن تصهين في العرب يتزعم
ومن نفع حلف اليهود استنفع

ياكل طامع في العطى او مُرغم
الى متى بعد العداء تتهرتع

بفضل ربي والجحيم المُظرم
حلف الحُثاله في اليمن يتقوقع

خاب ابن مُلُجم والذي يتوهم
ان الشوامخ والكواكب تركع

لن ينكسر شعب اليمن او يُهُظم
او ينحني للمنحني والاصلع

افنى قوى من في تحالفهم ظم
سلمان لاقا عكس مايتوقع

من ينتشلهم من عذاب جهنم
رجعت خديعتهم على من يخدع

مهد الحظاره من غزاها يندم
يبات متحسر وعينه تدمع

الحلف يتقهقر جريح محطم
ولن نغظ الطرف حتى يوقع

مكه وجده والحرم ويلملم
لن يستكين الشعب حتى ترجع

النصر لك ياابن اليمن يتبسم
وانت كوكب في سماها يلمع

قدحلف قرن ابليس ياشعب احجم
يجرجر اذيال الهزيمه مقلع

فليعلم ان الشعب لن يتقزم
ولن يطبع مثل  من قد طبع

المجد خالد في اليمن يتبرعم
وابن اليمن في قمته يتموضع

مهدالعروبه صارِمِهِ والمعصم
وامجادها فوق الكواكب وارفع

وشعبها عاهد ثراها واقسم
من عهد حمير من سباء من تُبع

بااللين آمن باالرساله واسلم
من غير معبود البشر لن يفزع

صلو على شافع كريم مُكرم
لخالقه من اجلنا يتظرع





ابوعمرعبدالعزيزالمصقري


.