الشمس غابت والظلام اغرق الدار

الشمس غابت والظلام اغرق الدار
والارض قدامي كساها دجاها

ظلام لايوصف حجب كل الانوار
شمس الضحى ماشي ينافس ضياها

اسبوع واكثر ماوصل منها اخبار
ولا عرفت ايش المسبب جفاها

شمسي وظلي خلت القلب محتار
والنفس مهمومه تضاعف عياها

يوم اشرقت ليلى اختفت كل الاقمار
حجب عن العين الكواكب سناها

شفت الجمال انواع في كل الاقطار
ماشي قمر توصل الى مستواها

ماحب قلبي غير ليلى ولا اختار
من بين الاقمار المنيره سواها

الشمس هي . والكل في عيني اصفار
احتل قلبي والمشاعر هواها

زهرة حياتي نادره بين الازهار
والقلب من بين الزهور انتقاها

واليوم ليلى تطفي النار باالنار
تهجر من اغلاها وترضي عداها

غرر على ليلى  غر يبين الاطوار
تحرق مشاعرها وتقتل فتاها

تشهر على من حبها سيف بتار
وتحرم الهايم بها من جناها

المرغنيه قطعت قلبي اعشار
طال انتظاري ماوصلني نباها

مهره جموحه عجزت كل مغوار
من اعترضها ماسلم من اذاها

تسخر من الفرسان في كل مظمار
مافيه خيال انتصر وامتطاها

يخيب ظنه من يفكر بمشوار
وخاب من عنده امل في عطاها

وكل طامع لو دفع الف مليار
يحرم على عينه ثواني تراها

ريم الفلا تنفر من اخيار واشرار
متعففه رغم ان هي في صباها

طر يقها نيران واهوال واخطار
متمرده ماحد وصل لاسماها

غياب ليلى زادني قهر واظرار
عذاب قلبي والسهر ماكفاها

دقت لمن سلم لها القلب مسمار
جارت على من راس ماله رضاها

اعوام ما اعرف فاكهتها والاثمار
لا اروت ظماء قلبي ولا اروى ظماها

مدمن هواها ماعرف طعم الافطار
ولا قدر يوصل لها في عُلاها

ولا رسالة حُب للوقت تذكار
يمكن تخفف من شقاء مُبتلاها

حتى اختفت عني وعن كل الانظار
ضحت بمن باع الملأ واشتراها

وخلته غايب عن الوعي منهار
ماقدرت من باالعيون افتداها

لوحاولت تضميد جرحه باالاعذار
تعطف على مشتاق منصف معاها

تجنبه درب العواصف والاعصار
ترفق بمخلص طاعها ماعصاها



ابوعمرعبدالعزيزالمصقري


.